طريقه الوصول لترعه العكره ( وطريقه الصيد والعده المستخدمه )

طريقه الوصول لترعه العكره ( وطريقه الصيد والعده المستخدمه )

الترعه دى وصفها ترعه كبيره جدا مبطنه من الجانبين بتطبطين اسمنتى الترعه ممتده من برج العرب حتى مدينه العالمين وليها اكتر من دخله هنشرحها بالتفصيل داخل الموضوع .

يوجد مدخل من مدخل مدينه برج العرب وانت رايح على البرج طريق استراحه الرئاسه وبتدخل فى الطريق ده لحد ما تلاقى تقاطع يوجد بيه ترعه مقسومه يمين وشمال حضرتك بتدخل يمين وبتطول ودى بدايه الترعه وانت رايح اتجاه الساحل او بمعنى اصح لمدينه العالمين والحمام

تانى مدخل من مدينه الحمام

بعد ما تعدى كمين مدينه الحمام هتدخل طريق المدينه وهتلاقى ملحتين او ميتين يمين وشمال هتعديهم لحد ما توصل لشارع اسكندريه

هتفضل ماشى لحد ما تعدى مدينه الحمام وتوصل تلاقى شريط القطار قدامك هتدخل شمال فى يمين وهتعدى القطار هتفضل ماشى مع الطريق لحد ما تلاقى قريه افضل ماسك الطريق هتلاقى الطريق موجود فيه مطباط او تكسير كتير ده بدايه طريق العكره 

هتلاقى ترعه صغيره ومش هيا دى العكره طبعا هتعديها وتكمل وتفضل واخد الطريق الطوالى لحد يا سيدى ما هتوصل لمحطه مياه العكره . هتلاقى الترعه بتاعه العكره اول ما توصل للمحطه دى وعندك يمين وشمال هيا دى العكره مبطنه بالكامل

ca-app-pub-6532757008898938/7374099850

المدخل التانى بعد قريه مارسليا بيتش مدخل الكيلو 70

هتدخل بعد ما تعدى القريه اتجاه الصحراء يعنى انت هتلاقى الطريق وعلى الجانبين زى صحرا ارض فضاء كبيره على الجانبين هتطول طبعا هيقابلك بردو الترعه الصغيره ملناش دعوه بيها هتعديها وتطول وتعدى شريط القطار وهتمشى شويه هتلاقى نفسك وصلت للترعه

 

 مدخل الكيلو 80 

هتلاقى على يمينك معسكر للجيش وعلى شمالك هتلاقى جامع ومركز للاسعاف بردو هتفضل ماشى لحد ما تلاقى الترعه الصغيره وهتطول لحد ما تلاقى العكره قدامك 

اخر مدخل امام مارينا 4

هتطول بعد بوابه مارينا 4 لحد ما تلاقى يوتيرن لفه وارجع وادخل المدخل الى بيدخلك على طريق وادى الناطرون هتطول عدى شريط القطار وهتلاقى بوابه كارته مصر اسكندريه عديها بردو هتفضل حضرتك ماشى هتلاقى محطه مياه العالمين هتلاقى مفارق وكوبرى اطلع من على الكوبرى وخد اول دوران هتلاقى نفسك عند الترعه ودى اخر الترعه من ناحيه العالمين هتلاقى جزء من الترعه ناشف وبعد كده اول وصله الى انت هتصطاد فيها

العده المستخدمه للصيد فى العكره

بوصه يد 5 متر 

شعر اساسى 18

شعر ترميل 8 او 10

فله رفيعه جدا او ريشه

مدور صغير جدا او بدون

سنار رقم 9 و 10

شريط رصاص بوزن الفله او الريشه او ممكن بلاش الرصاص وتشتغل بالمدور بس

الطعم صرصار بحر 

انت بتلاقى المياه ماشيه طبعا هتجيب شويه صرصار وتجيب شويه رمله وتطحن بيهم الصرصار الى هتزفر بيه وقبل المكان الى انت هتشتغل فيه بتروح تزفر ترمى شويه بس والتيار هيخدهم للمكان الى انت هترمى فيه بالبوصه وتوكل على الله واى استفسار انا فى الخدمه 

يارب اكون قدرت اوصف الطريق صح تحياتى  ايهاب ابو مريم

مدرسه_المبتدئين_لتعليم_فنون_صيد_الاسماك