الكلمارى وطريقه الصيد
موسم صيد الكاليمارى (مصر)
موسم الصيد لها يبدأ من شهر 8 وحتى اخر شهر 3 وأفضل وقت ل صيد الكاليماري و صيد السبيط بيكون من 7-22 من الشهر العربي وبعد المغربية وقبل الفجر موسم التزاوج من 4-7 وبيبقى شغال برضك كويس جدا من شهر 10-12 وهو بيبقى شغال طول السنة لكن أشده في الشتا، وكمان مع طلوع البحر إلى الجذر وقمة الصيد في الليالي القمرية ودي شفتها بنفسي ليلة 14 كان الشغل على ودنه وأحجامها تترواح مابين الربع كيلو الى الخمسة كيلو .
--------------------------
أفضل اماكن صيده فى الاسكندريه
أفضل مكان ظبط معايا جوه اسكندريه كان من فوق كوبري ستانلى لكن له أماكن كتير زي المحروسه ولوران وجليم و المنتزه و لسان 26 يوليو وسيدى جابر واسبورتنج
اوقات صيده
الليالي القمرية واتجاه الرياح الجنوبية او الشرقية نظرا لصفاء الماء في هذه الرياح مع مراعاة الموسم من شهر سبتمبر الى نهاية مارس
الطريقه الاولى :
ربط اللباره على شعر المكنه ويتم الرمى ثم التجريه عليها برفق حتى يتاح لها رؤيه اللباره وتعطيها وقت لتمسك اللباره
الميزه هنا انك بتكون على الارض واللباره بتتحرك فوق الوعر فبتطلع احجام محترمه كبيره ومتوسطه لكن المشكله إنك لو وعرت والصخره تملكت من اللباره بتضيع منك و بتضطر تحط غيرها
---------------------------------------
الطريقه الثانيه :
نضع فله متوسطة الحجم على شعر المكنه وبنربط اللباره وناخد عيار للفله من متر الى متر ونص ونرمى ونلم على مهلنا اوى كده بتكون بعيده عن الوعر لكن نسبيا برضه بعيده عن السبيط والكلامارى الكبير و الطريقه دى أقل فعاليه من الطريقه الاولى لكن اوقات كتير بتظبط لأنه السبيط و الكاليماري ساعات بيكون عايم
------------------------------
طريقة السحب
خد بالك بقي :
نقوم بالسحب بسرعة متوسطة وثابته مع محاولة ترعيشها ان امكن وما ان يدخل الكاليماري ستحس بثقل وشد ( اثبت على نفس السرعة ) وقبل القرب من الطلوع من الماء زد السرعة قليلا وسبب تثبيت السرعة في السحب لكي لا ينفث الحبر فيعطي الأنذار بالخطر كل ما عليك ان قبل عملية الطلوع ان تزد السرعة لكي تنغرس سنون الرابالا في اللحم وعند عملية اخراجه غالبا ما ينفث الحبر فالقه في مكان لكي يفضي حبره ثم جرب وجرب وجرب ثانية .
1- الفصيله دى بتمشي فى مجموعات من 3 الى 5 وممكن سبعه كمان ف لو مسكت معاك الطعم ومعاك حد خليه يرمي جمبك و بنسبه كبيره جدا هتشبك معاه واحده
2- تلم بالراحه حتى بعد م الطعم يمسك لأن اللباره حاميه اوى ولو لميت بسرعه أو قرصت فى اللم اللباره هتجرح جسمها وبتروحمش بس كده د كمان بتبخ حبرها و ساعتها كل السمك اللى فى الميه و كل السبيط والكاليماري اللى فى الميه هيهرب
3- اللباره بتحتاج تتحط قدام الضوء عشان تتشحن ف لازم تأكد على الموضوع دا قبل نزولها للماء
4- أفضل الاوقات لصيده هى الليالى القمريه لكن هو موجود طول السنه
5- عند إخراجه يترك قليلا على الشط حتى يخرج وحده من الرابله وإلا يبخ الحبر ويبهدلك
6- في حاله افلاته تسحب الرابله ثم الحدف في نفس المكان او بالقرب منه لالتقاطها مره اخري طالما لم يبخ الحبر
7- يفضل وجود كشاف أو أي نور في المية ويمكن اصطياده من المركب أيضا
8- يمكنها بخ الحبر على بعد مترين او اكثر ولا ينتهى لأن فى لحظة خروجها تقوم بتعبئة نفسها بالماء ولا ينتهى منها بخ الحبر الا بأنتهاء الماء المخزن بداخلها ولو نزلت فى الميه تانى ستكرر نفس العملية بدون انتهاء فعليك وضعها فى اى مكان حتى تصفى الماء بداخلها .
ونلتقي مع الجزء الثاني بإذن الله وتفاصيل اللعب بالألوان مع الحبار
و بالتوفيق ان شاء الله
ايهاب ابو مريم
إرسال تعليق