سمكه ( الشرغوش )
سمكه من اسماك البحر الابيض المتوسط ممتعه جدا فى صيدها ويتهافت على صيدها معظم الصيادين يتواجد اسماك الشراغيش داخل وعلى جوانب الوعر او الصخور الغرقانه داخل الميا
موسم صيد الشراغيش
طول العام متوفر و لكنة فى اشهر الصيف لا يكون موجود بكثرة وذالك لان السمكة لا تحب الماء المرتفع درجه حرارتة و لذالك فى تهرب الى الاعماق و الى داخل البحر .
موسم التفريخ بيبتدي شهر سبتمبر و افضل اوقات الصيد من منتصف شهر اكتوبر الى نهاية شهر فبراير
طرق صيد سمك الشراغيش
الشراغيش وصيدها اولا بالبوصه اليد بوصه يد 7 متر شعر اساسى 30 وترميل 25 ولو موجود شراغيش كبيره زود فى الشعر عادى لان فى شراغيش سعات بتفرقع شعر 45 وسلاح 6 او 7 معقول وممكن تشتغل بردو ب 5 لو السمك كبير نوعا ما فله وسط
ولو انت لقيت البحر عالى جدا ومش هتعرف تقف فى وش البحر ممكن تعمل جنطه عباره عن 3 عقل من البوصه وتجنط القرمه بتاعتك كويس وبتعمل سلاح واحد ورصاصه رقم 1 وتسقط بين الصلبان او البلوكات المكان المظلم ويفضل سلاح واحد مش اتنين علشان هتبهدل نفسك وممكن سلاح فيه سمكه والتانى يوعر منك فيستحسن ساق واحد بس
الصيد بالمكنه
بوصه 4.50 ومكنه 7000 وشعر المكنه 40 او 45 وترميل 30 ورصاصه الحجم على حسب الريح او الموج وتعمل ساقين لو المكان رمله زى الساحل ولو وعر بتعمل ساق فوق الرصاصه وساق تحتها وتشتغل بنستار 4 و 5 بكرش
انواع الطعوم
النطاط والعقر والبرغوت والاسمعلاوى هوا الشرغوش بيدخل على اى طعمايه يعنى ملوش طعمايه معينه بيدخل عليها
شرغوش الغرق بيكون بقه ديق او صغير نوعا ما اما شرغوش الوعر بيكون فكه كبيره شويه ويمتاز باسنان قويه ولما بيضرب معاك بينزل براسه لتحت فتلاقى معظم الصيادين الخيط بتاعهم بيفرقع لان الشرغوش فة نزلته دى لتحت فاخيط بتاعك حك فى الوعر مع سرعه الشرغوش فبيفرقع منك
حاول اول ما يضرب معاك ترد عليه ومتدوش فرصه انه يضرب بدماغه لتحت احنا بنسميها كاصيادين دماغات يعنى متخلوش ينزل بيك لتحت والشرغوش الكبير قوى جدا فى الميا
إرسال تعليق