الصيد فى بوغاز رشيد وما حولها
بسم الله الرحمن الرحيم
انهارده هنتكلم عن اماكن الصيد فى رشيد بتصريح وبدون تصريح لكل الى سالنى على الاماكن دى وازاى تروحها من اسكندريه
اولا طريقه الوصول من اسكندريه الطريق الدولى 45 وحتى كوبرى ميناء ادكو انت مش هتطلع الكوبرى هتنزل من تحت الكوبرى وتلف معاه لحد ما تلاقى ميناء ادكو فى وشك هتدخل يمين والميناء هتكون على شمالك هتطول وهتلاقى بوابتين شرطه بس دول علشان شركات الغاز الى هناك هتعدى البوابتيت دول لحد ما تلاقى يفطه صغيره مكتوب عليها مصيف رشيد ودا اول مصيد هتدخل المكان ده وتركن عربيتك امام مبنى الحرس هناك وتدخل عادى وبدون تصاريح هتلاقى راسين هناك يعنى لسانين صغيرين بصلبان كبيره ولازم تاخد حزرك هناك
الصيد بالمكنه والبوصه اليد وموجود بورى وقاروص ولوت وكمان شراغيش والطعم جمبرى حى مشرشر وحناش جرنجو
تانى مكان هتطول بقى من على نفس الطريق بدل ما تدخل المصيف لاء هتكمل لحد ما تلاقى النيل فى وشك تمسك شمال هتلاقى نقطه برج رشيد عديها عادى وادخل هتلاقى مجرى النيل على يمينك وانت ماشى كل دى مصايد بدون تصاريح جرس حدود
لو طولت بقى هتلاقى حواجز عاملينها حرس الحدود بتركن عربيتك عندها وبتسلم تصريح وبتعدى النقطه هتلاقى مصايد كتير جدا توكل على الله
طيب واحد يقولى معييش عربيه يا عم ايهاب سهله بص يبقى الانسب المكان التانى لانك هتنزل محطه رشيد بعد ما تاخد القطر من المعموره البلد وتنزل رشيد وتاخد تكتك قولو ودينى عند بوغاز رشيد الى عند حرس الحدود وتاخد رقمه وقبل ما تروح تتصل عليه يجى يخدك وموظع انواع الصيد والطعوم والعده فى الاماكن دى شبه بعضها وربنا يرزق الجميع
اخوكم ايهاب ابو مريم واى استفسار انا فى الخدمه وان شاء الله فى طلعات قريب للى حابب يسيب معاك فى تعليق ونتفق على اليوم المناسب للريح والصيد ونتوكل على الله
ايهاب ابو مريم
إرسال تعليق